Nissan Leaf
Nissan hefur kynnt nýja kynslóð af rafbílnum Leaf, sem kemur í stað eldri gerðarinnar sem hefur verið á markaði síðan 2017. Bíllinn hefur verið endurhannaður frá grunni, bæði hvað varðar útlit, innréttingu og tækni, með það að markmiði að mæta samkeppni á borð við Volkswagen ID.3 og Kia EV3.
Nýi Leaf byggir áfram á áherslu á loftmótstöðu en með nútímalegri útliti en áður. Framljós eru felld inn í svarta skrautlínu sem liggur yfir framgrillið, og neðri loftinntökin eru virk – þau lokast sjálfkrafa þegar ekki þarf á kælingu að halda. Hliðarform bílsins er dropalaga með hallandi þaki, og felgustærðir eru frá 18–19 tommum.
Í innanrými hefur orðið veruleg breyting frá eldri kynslóð. Í miðjunni eru tveir 14,3” skjáir, þar af einn með Google-byggðu margmiðlunarkerfi sem styður m.a. Spotify, Waze og YouTube. Einnig er boðið upp á þráðlaust Apple CarPlay og Android Auto.
Efnisval er uppfært með leðurlíki á mælaborði og hurðum. Í hærri útfærslum má finna hvít textílefni og dökkbláan kontrast. Mikið er af geymslurýmum, m.a. tvöföld hanskahólf. Þökklúga úr gleri með rafdrifinni birtustýringu er í sumum útfærslum.
Tvær rafhlöðustærðir eru í boði:
• 52 kWh með allt að 435 km drægi (WLTP)
• 75 kWh með allt að 600 km drægi (WLTP)
Bíllinn nýtir 800V rafkerfi og getur hlaðið með allt að 150 kW DC hraðhleðslu. Samkvæmt Nissan má bæta um 420 km drægi á u.þ.b. 30 mínútum við bestu aðstæður. Hita-, hleðslu- og rafhlöðukerfi eru samtengd og endurnýta varma úr hleðslukerfinu til að bæta nýtni í köldu veðri.
Í nýjum Nissan Leaf 2025 hefur CHAdeMO hraðhleðslutengið verið fellt út og í staðinn komið CCS Combo 2 tengi, sem er orðinn staðallinn í Evrópu. Þetta þýðir að Leaf nýtur nú mun betri aðgengis að hraðhleðslustöðvum, þar sem CHAdeMO hefur verið á undanhaldi síðustu ár og aðeins fáar stöðvar bjóða enn þann tengimöguleika. Með CCS getur Leaf hlaðið allt að 150 kW við rétt skilyrði, sem gerir hann samkeppnishæfari á nútímamarkaði og einfaldar ferðalög um landið verulega.
